నల్గొండ జిల్లా పానగల్లు ఛాయా సోమేశ్వరాలయం త్రికూట దేవాలయం. దక్షిణ ప్రవేశద్వారంతో వున్న ఈ గుడిలో సోమేశ్వరుడు పూర్వాభిముఖుడు, బ్రహ్మేశ్వరుడు దక్షిణాభిముఖుడు, ఆదిత్యేశ్వరుడు పశ్చిమాభిముఖుడు. సోమేశ్వరాలయంలో ‘ఏకఛాయా’ స్తంభం కనిపిస్తుంది. అంతేకాదు పక్కలకు నిలబడితే మననీడ వ్యతిరేకదిశలో లోపల కనిపిస్తుంది. మధ్యలో కనిపించే నీడలో ఏ తేడా కనిపించదు. నిశ్చలంగా వుంటుంది. మనుషులు, వస్తువులు కదిలేవి అడ్డొస్తే వాటి నీడలు వ్యతిరేకదిశల్లో కదులుతుంటాయి. ఈ ఒక్క గుడిలోనే కాక మిగిలిన రెండు గుళ్ళల్లో ఛాయాస్తంభాలుండవు కాని, మనుషులు, వస్తువులు ద్వారం మధ్యలోనికి వస్తే వాటినీడలు బ్రహ్మేశ్వరాలయంలో 3నీడలుగా, ఆదిత్యేశ్వరాలయంలో రెండు నీడలుగా కనిపిస్తున్నాయి. ఈ దేవాయలమే ఛాయల దేవాలయం. చాలాదేవాలయాల్లో నీడలు వ్యతిరేకదిశల్లో కదిలినట్టు కనిపిస్తాయి.కాని, ఇక్కడివలె స్థిరమైన ఛాయ ఎక్కడా కనిపించదు. ఇది ఈ దేవాలయం ప్రత్యేకత. శిల్పుల ప్రతిభ.
No comments:
Post a Comment